Бүх одод - Дурсамж

Татах

Мөнхбат & Үүрээ - Би чамд хайртай

"Хаалганы ард" киноны дуу


Татах

Х томъёо - Бороо ба нулимс

Татах

Залуу одод - Авьяас билгийн тэнгэр

Татах

Залуу одод - Хонхны дуу

Татах

Бичүү - Чамайг л гэсээр

Татах

Дууны үг

Сэтгэлд сүлсэн дуу минь ээ
Сэрмээргүй гэгээн зүүд минь ээ
Дурласан сэтгэлийн шаналал минь чамайгаа
Дуулан хайлан хүлээж суунаа

Дахилт: Чамайг гэсээр
Хайрандаа халамцуухан яваагаа би
Цэцэг цэцгийн чихэнд би
Шивнэмээр байна

Дун цагаан нулимс минь ээ
Дурлалын хөнгөн гуниг минь ээ
Дуусашгүй хайрын бороо минь чамайгаа
Дуулан хайлан хүлээн суунаа


Дахилт: Чамайг гэсээр
Хайрандаа халамцуухан яваагаа би
Цэцэг цэцгийн чихэнд би
Шивнэмээр байна

Хорвоод хосгүй цэцэг минь ээ
Дууг минь хөглөсөн нүдэн минь ээ
Биелээгүй нууцхан мөрөөдөл минь чамайгаа
Дуулан хайлан суунаа

Дахилт: Чамайг гэсээр
Хайрандаа халамцуухан яваагаа би
Цэцэг цэцгийн чихэнд би
Шивнэмээр байна

Зүгээр л - Зүгээр л

Татах

Ice top - Хайраа надаас асуу

Татах

Залуу одод - Бидний чин хүсэл

ВХ, Нэгэн зүгт, Мөнхбат, Үүрээ, Бичүү, Соко, Хонгор, Дует N

Татах

Бичүү & Орхонцэцэг - Өвөл хайр

Татах

Ice top - Чамайгаа бодон бодсоор

Татах

Эмоушн - Санан санасаар

Татах

Баянмонгол чуулга - Цэнхэр залаа

Татах

Маркетингийн үндэс Бие даалт 5 "Хэрэглэгчийн болон байгууллагын зах зээл, зах зээлийн сегментчилэл"

Татах

Энэ бие даалтыг өөрөөр хийсэн нь

Татах

Маркетингийн үндэс хичээлийн "Өчигдөр өнөөдөр маргааш" хөтөлбөрийн манай багийн бүтээлч ажлын төлөвлөгөө

Татах

Маркетингийн үндэс Бие даалт 1

Татах

Маркетингийн үндэс Бие даалт "Хуваарилалт, идэвхжүүлэлт"

Татах

Хонх хамтлаг - Бидний араншин

Татах

Технологийн бие даалт 6 "Дэлхийн шилдэг 50 компани"

2009 оны 8-р сард “Форбс” сэтгүүлээс ашиг орлого, хувьцааных нь үнэ, нэр хүндээр нь харьцуулан дэлхийн 2009 оны шилдэг 2000 компанийг зарласан. Энэхүү 2000 шилдэг компаниудын тоонд дэлхийн 62 улсын компаниуд орсон. Эхний зуун шилдэг компанинд япон улсын 11 компани орсон байна. Эдгээр 2000 компаниудын дансанд нийтдээ 32 триллион ам доллар эргэлдэж байгаа ба нийт орлого 1,6 триллион ам доллар, нийт хөрөнгө 125 триллион ам доллар, зах зээлийн нийт үнэ нь 20 триллион ам доллараар хэмжигдэж байгаа юм.

Шилдэг 2000 компаний 82-т “Сони” корпораци техник хангамж, түүний дагалдах хэрэгслээр орсон байна. “Сони” корпорацийн борлуулалт 88,89$ /BIL/, ашиг 3,70$ /BIL/, хөрөнгө 124,12$ /BIL/, зах зээлийн үнэ 17,12$ /BIL/ байна.

Єнєєдєр “Сони” корпораци дэлхийд аудио, видео, мэдээлэл холбооны технологийн зах зээлийг тэргvvлж байгаа бєгєєд нийт салбаруудад нь 173 мянган хvн ажиллаж байна.

“Сони” корпорацийн үүсэл

Масару Ибука, Акио Морита хэмээх инженер, физикч хоёр залуу, 1946 оны 5 сарын 7-нд “Сони”-г анх vvсгэн байгуулсан юм. “Сони” хэмээх аварга орчлийг байгуулж байхдаа Масару Ибика 38, Акио Морита 25 настай байжээ.

“Сони” тэр vед “Токио Цушин Когояа КК” нэртэй 500 долларын vндсэн хєрєнгєтэй ,цагаан будаа агшаагч, халаагуур, цахилгаан жижиг хэрэгсэл vйлдвэрлэж гараагаа эхэлж байлаа.

Компаний нэрний утга

Компанийхаа хуучин нэрийг дэлхийд илvv танигдах зорилгоор 1958 онд
“Сони” Корпораци гэж єєрчлєв. Бvх хэлэнд ижил дуудагдах “Сони” гэсэн хэллэгийг сонгосон бєгєєд энэ нь дуу аялгуу гэсэн утгатай латин vг юм.
“Сони” гэдэг нэр америкийн хэрэглэгчдийн дунд Женерал Электрик, КолаКола-тай дvйцэж нэр хvнд нь єсєж байлаа.

Японы алдарт "Сони" корпорацийг үндэслэгчдийн нэг Акио Морита нэгэн удаа өөрийн хамтрагч Ибүкад ханджээ. Тэр үед тус корпорацийн нэр "Токио цүүшин коогё кабушики кайша" гэсэн нэртэй байжээ. Гадаад оронтой худалдаа хийж, гаднын хүн компанийх нь нэрийг дуудахад үнэхээрийн ядаргаатай, маш их сунжруу байсан учраас хамтрагчдаа хандсан хэрэг байж л дээ.

Тэгээд л тэр хоёр товчхон мөртлөө сонсголонтой, дуудахад амархан нэр олохын тулд толь бичиг сөхөж гарсан байна. Латин хэлний "Sonus" буюу "дуу авиа" гэсэн үг тэдний нүдэнд хамгийн эхлээд өртсөн аж. Мэдээж хэрэг дуу авиатай холбоотой арилжаа эрхэлж байсан болохоор дээрх нэрийг ашиглаж болох юм гэж хэн хэнийх нь санаанд оржээ. Тухайн үедээ япон оронд "Sonny" буюу "хөөрхөн" гэсэн үг хэллэг ч ихэд түгэн дэлгэрч байсан аж. Түүнчлэн энэ үг радио техникийн үйлдвэрлэгчдийн хүсч байсан гэрэл гэгээ, өөдрөг байдлыг агуулж байна гэж үзсэн байна.

Ингээд л энэ үгийг тал бүрээс нь шинжиж гарч дээ. "Sonus" болон "Sonny" хоёрыг харьцуулах үед "Sonny" гэх том үсгээр эхэлсэн үг л санаанаас гарч өгөхгүй байж л дээ. Өөрөөр хэлбэл япон хүн латин дуудлагаар "Сонни" гэж унших бөгөөд "Сон" гэдэг нь японоор "гарз" гэсэн утгатай үг байв. Арилжааны салбарт үйл ажиллагаа явуулах корпорацид ийм үг тус болно гэж үү?

Бодон бодсоор "n" үсгийг нь хасаад "Sony" болговол яасан юм гэсэн шийдэлд хүрчээ. Бүгд дуу алдаж "Тохирох нэр мөн байна" гэцгээжээ. Ингээд л "Sony" хэмээх шошгийг радиондоо тавилаа. "Токио цүүшин коогё"-гийн үед "Т" үсгийг эсрэг гурван өнцөгт багтааж, үйлдвэрийн тэмдэг болгон хэрэглэж байснаа больж, дөрвөн өнцгийн дотор "S" үсгийг аянгын гялбаа мэт хэлбэрээр "Sony" гэж бичсэн тэмдэг тавьсан байна. Гэхдээ энэ нэрээ дэлхий дахинд алдаршуулах гэж багагүй хөрөнгө мөнгө зарцуулж байсан аж. "Токио цүүшин коогё" нэрээ "“Сони”" хувьцаат компани болгон өөрчилсөн нь компанийн гадаад болоод дотоод эсэргүүцэлтэй тулгарсан байна. Тэр ч байтугай "“Сони” электрон техникийн хувьцаат компани" гэвэл яасан юм бэ гэсэн санал ч гарчээ.

Гэвч Акио Моритагийн "Одоохондоо электрон техникийн үйлдвэр эрхэлж буй ч алсдаа юу ч бүтээхийг хэн мэдлээ. Иймд "Sony" гэсэн нь дээр гэж хэлснээр корпорацийн нэрийг эцэслэн тогтоосон байна. Энэ үед японд компаниа америкийн "Sony" хэмээх учир нь үл мэдэгдэх компанид худалдчихаж гэсэн цуу яриа ч тарсан аж. Ханадагийн олон улсын нисэх онгоцны буудлын дэргэд "Sony" гэсэн сурталчилгааны том самбар тавьж, мөн оны эцэст Токиогийн Гинза гудамжнаа өөр нэгийг байрлуулах гэх мэтээр олны хүртээл болгож эхэлсэн гэнэ. 1958 оны нэгдүгээр сард албан ёсоор "Sony" ХК болж, мөн ондоо Токиогийн биржийн жагсаалтад орсон түүхтэй юм байна.

Шинэ нэрээ бусдад ашиглуулахгүй байх талын арга хэмжээ ч авч эхэлжээ. Ингэхийн тулд дэлхийн 170 оронд болон нутаг дэвсгэрийн янз бүрийн нэгжүүдэд албан ёсоор бүртгүүлсэн байна. "Sony" компанийн 35 жилийн ойгоор худалдааны тэмдгийг өөрчлөх асуудал сөхөгдөж, олон улсын хэмжээнд уралдаан зарласан байна. Нэрээ өөрчлөх нь сайн юманд хүргэхгүй гэсэн олон зуун хүсэлт, түүнээс ч олон эсэргүүцэл ирж байжээ. Энэ бүхний эцэст "Эвдрэхгүй бат бэх юманд засвар хийх шаардлагагүй" гэж үзээд нэрээ өөрчлөхгүй байхаар шийдсэн түүхтэй юм байна.

“Сони” корпорацийг үүсгэн байгуулагчид

”Сони” Корпорацийг vндэслэгч МАСАРУ ИБУКА
Тэрээр 1908 онд Япон улсын Никко хотод тєрсєн.
Васеда Их Сургуулийн инженерийн ухааны салбарыг 1933 онд тєгссєн. Оюутнууд тvvнийг гоц сэтгэгч гэдэг байв.
“Токио хотын хvндэт иргэн”, “Японы эзэн хааны хvндэт медаль”, “Шведын хааны одон”, “АНУ-ын Броvвн Их Сургуулийн хvндэт доктор” гэх зэрэг олон улсын хэмжээний 20 гаруй цол єргємжлєлтэй.
Масару Ибука нэг хvv, хоёр охинтой (Охин Таеко нь оюун ухааны хомсдолтой)
Тэрээр хэд хэдэн ном бичсэн ба үүнд олон жил нєхєрлєсєн, найз Сошира Хонда санд зориулж дурсамжийн ном, хvvхдийн хvмvvжлийн сэдвээр ном бичсэн.
1997 оны 12 сарын 19-нд токиод
“Сони” корпорацийг vндэслэгч Масару Ибука, зvрхний євчнєєр таалал тєгсєв.
Масару Ибука бол “Сони”-гийн философийн гол зvрх нь байв.

Сони корпорацийн техникийн агуу тархи, түүнийг олон жилийн турш удирдсан энэ хүн Сони-ийн урьдах Токио Цушин Когё-д ажиллаж байхдаа л Парис хотод зохион байгуулагдсан олон улсын үзэсгэлэнгээс шагнал авч байв.

Орчин үеийн Японы аудио, видео техникийн үйлдвэрлэлийн ихэнх загвар, боловсруулалт, үйлдвэрлэлт нь Ибука-ийн нэртэй салшгүй холбоотой.

1950 онд анхны япон магнитофоныг бүтээсэн ба 1955 онд анхны транзистор хүлээн авагчийн үйлдвэрийг ажилд оруулсан /америкийн лицензээр/ нь японы хагас дамжуулагчийн үйлдвэрлэлийн хөгжилд чухал түлхэц өгсөн байна. Хожим нь түүний оролцоотойгоор транзистор  авсаархан телевизор, "тринитрон" өнгөт телевизорууд видеокассетний магнитофон, "уоман" хэлбэрийн жижиг магнитофонууд зохион бүтээгдэж үйлдвэрлэгдэж эхэлсэн аж.

Аудио-видеотехникийн хөгжүүлж бий болгоход оруулсан түүний гарамгай хувь нэмрээр нь сэтгүүлчид түүнийг Аж үйлдвэрийн соёлын тэргүүн зүтгэлтнээр нэрлэсэн.

АКИО МОРИТА

Тэрээр 1921 онд Япон улсын Нагояа хотод тєрсєн. Осака Имперал Их Сургуульд суралцсан. Нэг охин хоёр хvvтэй.
Усан доогуур шумбах спортоор 50 настайдаа хичээллэж эхэлсэн. Аавынх нь удам (14 vе) сакэ эсгэх, уламжилж ирсэн vйлдвэртэй байв. 1999 оны 12 сард Тайм сэтгvvл Акио Моритаг XX зууны “сод авьяаст бизнесмен” – ээр шалгаруулсан. 1,3 тэрбум долларын хєрєнгєєр Форбес сэтгvvлийн тэрбумтнуудын жагсаалтад 386–д байрлаж байна. Єєрийнхєє намтраар “Японд vйлдвэрлэв” хэмээх дурдатгал ном хэвлvvлэв (Made in Japan , E.P. Dutton, 1986). Үндэсний үзэлт улс тєрч Шитаро Ишихаратай хамтарч “ Японы vгvй гэж хэлж чадахуй” (1989) ном бичжээ. Майк Мэнсфиелд, АНУ- ын Япон дахь элчин сайд байсан тэрээр 1999 оны 10 сарын 3-нд токио хотод уушгины өвчнөөр нас баржээ.

Ибука голдуу корпорацийн дотоод ажил, шинэ техникийг зохион боловсруулах ажлыг хариуцаж, Морита корпорацийнхаа олон улсын байр суурийг бэхжүүлэх, дэлхийн зах зээлд бүтээгдэхүүнээ шингээх, санхүүгийн үйл ажиллагааг нь эрхэлж байв.

Түүний санаачлагаар АНУ-ын Сан Диего хотод "Сони"-ийн үйлдвэрийг байгуулж, худалдааны "Сони трейдинг" хэмээх корпорацийг байгуулжээ.

Моритагийн хүч чармайлтаар "Сони"-ийн худалдааны марк олон улсын тавцанд асар их нэр хүнд олжээ.

Японы ажил хэргийнхний хүрээнд түүнийг Японы аж үйлдвэрийн гадаад хэргийн сайд хэмээн нэрлэдэг байв.

Акио Морита бол Японы тєлєє олон улсын хэмжээнд маш их зvйл хийсэн жинхэнэ тєрийн зvтгэлтэн байсан, тvvн сацуу бизнес ухаанд онцгой хvн байлаа.

“Сони”-гийн дурсамж

     “Нэгэн єдєр би сургуулиасаа иртэл, Ибука Морита хоёр гадаадын сэтгvvл харчихсан, чухал зvйлийн тухай бололтой, дуу нь єндєр ярилцаж байлаа.Энэ бол Америкийн “Фортун” сэтгvvлийн сvvлийн дугаар байв.
“-20-р зууны гайхамшигт ололт, хараач гэм, хагас дамжуулагч гэж надад зургийг нь vзvvлэн тайлбарласан. Ибука шинэ санаа олохдоо гойд хvн.Тэр л радиод шинэ зvйл хэрэглэх идеаг эхэлж сэтгэсэн. Ингээд л Морита америк рvv технологийн зєвшєєрєл авахаар явсан даа” гэж ноён Акио Моритогийн эхнэр Ёшико сан хожим тэдний тухай бурхан болоочдоо дурсан хvvрнэсэн байна.

     Акио Морита 1953 онд Америк, Европ руу цахилгаан электроны нvргээн судлахаар ирэх vедээ Голландийн Филиппс Элэктроникс компанийг vзэж сонирхоод “Тэд vvнийг хийж чадсан юм,тэгэхлээр бид ч бас чадаж байж магадгvй” гэж Масару Ибукад бичиж байв.

     “Бидний vйлдвэрлэсэн бvтээгдхvvн хэрэглэгчдэд баяр баясгалан, цэнгэл хєєр бэлэглэхээр тийм л чанартай байх ёстой” гэж Масару Ибука сан хэлдэг байжээ.

“Сони” корпораци ба олон улсын харилцаа

     Сони корпораци нь 1994 оноос хойш Дэлхийн Аваргын сvлд дууны тал дээр дэлхийн хєлбємбєгийн холбоотой хамтран ажиллаж буй юм. Дэлхийн Хєлбємбєгийн Холбоо болон Сони корпорациуд ємнєд Африкт болж буй дэлхийн аварга шалгаруулах 

тэмцээний албан ёсны сvлд дуугаар Вака Вака-г /Waka Waka/ нэрлэлээ.. Энэхvv дууг Латин Америкийн алдарт дуучин Шакира, Ємнєд Африкийн Фрешлиграунд хамтлагтай хамтран дуулжээ. Вака Вака нь “Африкийн тєлєє” гэсэн утгатай.

     Цахим бараа vйлдвэрлэлээр дэлхийд хоёрт ордог «Сони» корпораци, Ємнєд Солонгосын тэргvvлэх корпорацуудын нэг «Самсунг» хамтын ажиллагааны тvvхэн гэрээ байгууллаа.

Тус гэрээгээр хоёр корпораци ямар нэг тєлбєр, тооцоогуйгээр бие биенийхээ патентыг хэрэглэж байхаар тохиролцлоо. Одоогоор “Самсунг” 11 мянга, “Сони” 13 мянган патент эзэмшиж байгаа аж. Японы шинжээч Казуяа Ямамото “Дундын патенттай болсноор хоёр корпораци бараа бvтээгдэхvvний vнээ хямдруулах боломжтой болно.
Vvний vр дvнд зах зээл дэх бараа эргэлтээ тvргэтгэж чадах нь дамжиггvй. Ялангуяа “Сони” корпорацид энэ гэрээ тун єгєєжтэй тусна” гэжээ.
“Самсунг” корпорацийн хэвлэлийн тєлєєлєгч хатагтай
Чо Сун “Патентаа vнэ тєлбєргvй хэрэглэх болсноор бид зах зээл дэх байр сууриа улам бэхжvvлнэ. Харилцан ашигтай энэ гэрээ интернэт технологи, хагас дамжуулагчийн патентуудыг зохицуулах мєнгє, цаг vрсэн ажлыг шийдлээ” гэж Ройтер агентлагт єгсєн яриандаа єгvvлжээ.

2007 онд “Сони” корпораци дэлхийн хамгийн том бизнесийн нэгийг Ховард Стрингерийн гарт атгуулжээ. Мэдээж энэ эр “Сони”-гийн Америк дахь салбарыг удирддаг байсан ба түүний ажлаа явуулах арга барил, суртал нь хэн хүнээс этгээд, аливаа зүйлийг эсрэгээр нь хийдэг гэж ажиглагчид тодорхойлдог. Тэр уламжлалт аргуудаас татгалздаг.

Стрингэр Японд биш Их Британи, Уэлсэд төрсөн. Стрингерийн гэнэтийн айлч­лал Сонигийн   мандалтын түүх өнгөрсөн жилээс сонсогдож эхэлсэн юм. 66 настай энэ бадриун эр Oxford-д түүх сурж, 1965 онд Нью Йоркод цагаачлан ирж хэн болохоо сонгож, өөрийгөө олжээ. Тэр Америкийн төлөө Вьетнамд байлдаж буцаж Нью Йоркод ирж Colombia өргөн нэвтрүүлгийн системд баримтат киноны продюсерээс ерөнхийлөгч болтлоо дэвшжээ. Тэр 1985 онд Америкийн иргэншилтэй болж, харилцаа холбоо мэдээлэл сүл­жээний бизнесийг эрхэлж байгаад 1997 оноос Сонигийн америк дахь салбарын захирал болжээ. Тэр япон хэл сурч эхлээд удалгүй шантарчээ.

Тэр хаана хөрөнгө хаяж, туслах шаардлагатайг тун сайн мэддэг. Тэр энэ ажлаа эхлэхийнхээ өмнө Луис Герстнерийн “Хэн зааныг бүжиглүүлж чадахгүй гэж хэлэв” хэмээх номыг уншсан гэдэг. Харин одоо “Сони” 65 тэрбумыг электроникийн зах зээлээс дангаараа шахуу олж, түүнийг “Сони”-гийн динозавр гэж нэрлэх болов. Герстерийн номноос Сонигийн ертөнцөд хэрхэн үр дүнтэй сайн тоглож болох тухай уншиж болно. “Хэрвээ би энэ номыг уншаагүй байсан бол энэ бүгдийг хийж чадахгүй нь тодорхой, номын зохиогчоос би одоо ч зөвлөгөө авдаг” гэж нэгэнтээ хэлсэн байдаг.

     1989 онд Сони 3,4 тэрбум доллароор “Колумбия Пикчэрс Энт.”-ийг Кока Кола компаниас худалдаж авсан. Япон, Холливvд руу халдаж эхэллээ гэж хэвлэлийнхэн шуугив.
Америкад , Японы эсрэг vзлийг дэвэргэчих вий гэж арлын япончууд болгоомжилж байлаа.Энэ vед Акио Морита “Хэрвээ та бvхэн , япон хvн vvнийг худалдаж авлаа гэж дургvйцэж байгаа бол зарахгvй байж ч бас болох шvv дээ” гэж байжээ.

Ашиг ба алдагдал

·         Сони, Холливvдэд нийт 16 тэрбум долларын хєрєнгє оруулалт хийв.

·         1994 онд Колумбия Пикчэрс болон Три Старт оруулсан хєрєнгєнєєсєє
3,2 тэрбум долларын алдагдал хvлээсэн.

·         Сони корпораци нь Vaio нотбук болон PlayStations тогломын борлуулалтын орлого өссөнөөс шалтгаалан ашигтай ажилласан болохоо улирлын тайландаа дурджээ. Компани нь өнгөрсөн жил 26,3 тэрбум иений алдагтай ажилласантай харьцуулахад 31 тэрбум иений ашигтай ажилласан байна

·         Хүчирхэг PlayStation 3-ын үнэ 400 доллар ч видео тоглоомын гаднах тоноглолын дизайн дээр удсанаас худалдаанд хоцорч гарч алдагдал хүлээж байлаа

·         Стригерийг ажлаа хүлээж авах үед компаний хувьцаа Токиод 43 доллар байсан ба Стрингерийг ажлаа авсанаас хойш буюу 2005 оноос 18 хувиар өссөн байна.

·         2004 онд цэвэр ашиг ердөө 1.2%-тай байжээ.

“Сони” нь азийн уламжлалт технологоос татгалзан, барууны хэв маягийг нэвтрvvлж єрнє дорныг холбосон аугаа хєдєлмєр, эдийн засгийн нvсэр сvлжээг бий болгосон юм.

Ашигласан материал

1.      www.fxmn.biz

http://www.fxmn.biz/index.php?option=com_content&view=article&id=47:world-biggest-companies&catid=35:uilyvdal&Itemid=55

2.      www.asuu.mn

http://www.asuu.mn/medleg/biz/102/1007060029

3.      www.olloo.mn

http://www.olloo.mn/modules.php?name=News&file=article&sid=13350

4.      www.tsagtur.mn

http://www.tsagtur.mn/index.php?option=com_content&view=article&id=1129:sony-q-q&catid=94:lifes&Itemid=182

5.      www.batkhuu.mn

http://www.batkhuu.mn/know.php?knowclassid=103

6.      www.west.mn

http://www.west.mn/tanii-medlegt/historyboss/521-3---1921-1999.html

7.      www.postnews.mn

http://www.postnews.mn/index.php?cp=news&task=view&news_id=8202&page=3&PHPSESSID=f623b7743a405a24c8f16f512b1ea7b1

 Хүснэгт, зураг байгаа. Татаж аваад үзээрэй.

 Татах

 

Хонх хамтлаг - Алтан хавчаар

Татах

Хүний нөөцийн менежментийн бие даалт "Өнөөгийн бизнесийн байгууллага дахь сургалтын үйл ажиллагаанд тулгамдаж буй асуудал" эссе

Хүн гэдэг ойлголтыг байгууллагын хүрээнд хүний нөөц гэдэг утгаар харвал бусад нөөцүүдээс их өвөрмөц бөгөөд бусад нөөцүүдийг бодвол шавхагдах хугацаа урт, мөн тухайн хугацаандаа өөрөө өөрийгөө болон өөр олон арга замаар оюун ухаан, бие бялдраа хөгжүүлж байдаг. Энэ ч утгаараа бусад нөөцөөс онцлог бас давуу тал ихтэй юм.

Хүний нөөцийн менежер хэд хэдэн үе шаттай ажлыг явуулсаны үндсэн дээр сургалтыг зохион байгуулна. Үүнд:

·         Тухайн байгууллагадаа хүний нөөцийн төлөвлөлт хийх

·         Сул ажлын байранд ажлын шинжилгээг явуулж, үнэлэх

·         Дотоод болон гадаад эх үүсвэрээс бүрдүүлэлтийг үүсгэх

·         Тэдгээр бүрдүүлэлтүүдээс сонголт явуулах

·         Сонгогдсон ажил горьлогчийг чиглүүлэх сургалтанд хамруулах

·         Мэдлэг, ур чадвар, дадлагыг олгох зорилгоор сургалт явуулах зэрэг болно.

Сургалт гэдгийг албан тушаалын бүрэн эрхээ хэрэгжүүлэх, зорилгодоо хүрэхэд нь дутагдаж буй мэдлэг, ур чадвар, дадлагыг олгох, эсвэл ажилтны гүйцэтгэлийг нэмэгдүүлэх зорилгоор хийгдэж буй үйл ажиллагаа юм гэж тодорхойлжээ.

Орчин үед техник технологи хөгжихийн хэрээр түүнийг дагаад төрөл бүрийн ажлын байр шинээр бий болж үүнд тавигдах шаардлага ч өндөр болсон. Тухайн ажилтанд тэдгээр техник технологийг сурах, сургах шаардлага бий болж байгаа юм.

Сургалтыг буруу, дутуу явуулснаар байгууллагын зорилгын биелэх явц удаашрах, ажлын бүтээмж муутайгаас ашиг багасах зэрэг сөрөг нөлөө гардаг.

Амьдрал дээр сургалт нь их дутмаг явагддаг юм шиг санагдаж байна. Миний бодлоор байгууллага ажилтанд сургалт явуулахыг “зардал” гэж үздэг бөгөөд ажилтан шалгаруулж авахдаа “төгс төгөлдөр ажилчин” хайдаг. Урьд нь тухайн чиглэлээр ажиллаж байсан хүн бол илүү туршлагатай байх нь ойлгомжтой. Гэвч тухайн чиглэлээр ажиллаж байгаагүй хүнийг ажилд авлаа гэж бодоход түүнд туршлага байхгүй гэдгийг байгууллага мэддэг боловч түүнийг туршлагажуулах тал дээр дорвитой ажил хийдэггүй. Энэ нь юуг харуулж байна вэ гэхээр байгууллага өнөөдөр гэсэн ганцхан интервал л хэрэглэдэг гэсэн үг. Байгууллага маргааш, 1 жил, 10 жил, ирээдүй гэх интервалыг хэрэглэдэггүйгээс зөвхөн өнөөдрийн зардлыг бага байлгахыг хичээснээс ирээдүйд олох ашиг, тухайн байгууллагын амжилт буурдаг. Энэ нь ерөнхийдөө бүх байгууллагын нийтлэг алдаа хэдий ч ирээдүйгээ хардаг, алсын хараатай цөөн хэдэн байгууллага зах зээлд байсаар байна. Эдгээр байгууллагын амжилт нь юунд байна вэ гэхээр юуны өмнө зорилгоо зөв тодорхойлон түүнд хүрэх арга замаа нарийн боловсруулсан бөгөөд арга замаа хэрэгжүүлэх хүний нөөцийнхөө суурийг бат тавьж өгсөнд байгаа юм.

Бизнесийн байгууллагын сургалтанд тулгамдаж буй асуудал:

·         Сургалтыг зардал гэж тооцдог

·         Сургалтаа зөв зохион байгуулж чаддаггүй

·         Үр дүн багатай сургалт болдог

·         Сургалт явуулах орчин нөхцлөө бүрдүүлж чаддаггүй

·         Хүний нөөцийн менежерийн мэдлэг дутмаг

·         Хайнга зан

Тулгамдаж буй асуудлуудыг шийдэхийн тулд доорх арга хэмжээ, үйл ажиллагааг явуулах хэрэгтэй.

·         Байгууллагын зорилго зорилтоо зөв тодорхойлох

·         Байгууллагын хүний нөөцийн менежер өөрөө мэдлэг боловсролтой байх

·         Алсын хараатай байх

·         Чиглүүлэх сургалтыг байгууллага дээр явуулахаас гадна чиглүүлэх сургалт явуулдаг төвтэй болох /энэ нь байгууллага болон их дээд сургуулиудтай хамааралтай/

·         Сургалтын зорилгыг нарийн зөв тодорхойлж, үр дүнтэй байлгах талаас нь анхаарах

·         Сургалтыг үр дүнг хянах

Дүгнэлт

Сургалтыг явуулснаар тухайн байгууллагын амжилт, үйл ажиллагааны үр дүнд нөлөөлнө гэдгийг байгууллагын менежерүүд ойлгох хэрэгтэй. Тиймээс юуны өмнө шинээр орж байгаа ажилтнуудад чиглүүлэх сургалтыг заавал явуулж, тухайн ажилтанд ажлын ажилбарууд болон үүрэг даалгавар зааж өгөх нь чухал юм. Үүний дараа сургалтыг тодорхой давтамжтайгаар явуулж байх нь үр ашигтай.

Хэрэв менежер ажлын байранд зөв хүнээ авсан бол сургалт нь зардал огт биш юм.  Харин ч энэ нь амжилтанд хүрэх нэгэн үндэс болно.

 Татах

Англи хэлний бие даалт "My summer holiday"

My summer holiday

My name’s Bayasgalan. I’m 20 years old. My summer holiday was perfect. I went to Khentiiaimag. Khentiiaimag the native land of Chinggis Khan covered with forests, taiga and steppe, is a located north-east of Ulaanbaatar. I stayed at a grandfather house in the town centre for 5 days. I went there by car for 10 hours.

The weather is very hot, everyday was sunny. The sky was rarely covered with clouds. During my holidays I spent a lot of time in the fresh air.

The food here is delicious. I have been eating milk products and Horhog.Milk product very healthful. I like curd. Khentii’s people usually eat soup with meat, flour and vegetable.

Khentii’speople is good-looking. They have black hair and dark eyes. Khentii’s people friendly, honest and kindly. They usually live in ger. Town center people live in house. Somepeople plant vegetables.My grandfather plant vegetables and sunflower.

They spend their free time riding horse, playing basketball, watching TV.

My summer holiday was a veryinteresting , adventure and with good memories. I took many photos there. After a few years I will remember these by seeing my photos .

Бизнесийн харилцаа хичээлийн бие даалт "Биеийн хөдөлгөөний хэл"

Биеийн хөдөлгөөний хэл

Биеийн хэлээ хөгжүүлэхийн тулд нэн түрүүнд харилцааны үед ямар байдалтай байдгаа мэдэх шаардлагатай. Тиймээс ямар байдалтай сууж, зогсдог, гар хөлийн хөдөлгөөн зэргээ ажиглаад, энэ бүхнийгээ тэмдэглээрэй. Ингээд өөрийн онцлогийг мэдсэний дараа толины өмнө дадлага хийгээд үзэж болно. Уг дадлагын ачаар та бусдын өмнө ямар байдалтай байдгаа, өөрийн алдаа дутагдал, зохимжгүй үйлдэл, хөдөлгөөнөө мэдэх боломжтой.
Нүдээ аниад хэрхэн сууж, зогсвол илүү тохиромжтой гэдгээ төсөөлөөд үз. Дараа нь нүдээ нээгээд хэсэг амарсны дараа төсөөлсөн байдлаараа зогсож үзээд хэр оновчтой болохыг нь ажиглаарай.

·         Инээмсэглэл ямар ч хүнийг чимдэг.

·         Цэх суух нь өөртөө итгэлтэй байдлыг бий болгодог.

·         Алгуурхан хөдөлгөөн тогтвортой тайван байдлыг илэрхийлнэ.

Нүүр, биеийн хөдөлгөөнөөр өөрийгөө илэрхийлэх 18 арга:

1.      Элгээ эвхэх – Биеэ хамгаалагчид л элгээ эвхэж зогсодгийг та санаж байгаа байх. Үүнд хөл ч бас хамаатай. Хөлөө зөрүүлэн зогсоод олны өмнө илтгэл тавина гэдэг оновчтой үйлдэл биш. Энэ тохиолдолд таны яриа сонсогчдод үнэмшилгүй санагддаг.

2.      Харцаараа илэрхийлэх – Хэрэв цөөн хүнтэй харилцаж буй бол харцаа ашиглахад буруудахгүй. Гэхдээ цоо ширтэх хэрэггүй. Тасралтгүй ширтэх нь таатай сэтгэгдэл төрүүлэхээсээ илүү түгшүүртэй байдлыг бий болгодог. Харин харцаа буруулбал таныг найдваргүй хүн гэсэн ойлголт бий болох нь элбэг.

3.      Өөрийн хүрээг бий болго – Харилцааныхаа явцад, гар хөлөө чөлөөтэй хөдөлгөхөд боломжтой байхуйц талбайг эзэгнэх хэрэгтэй. Энэ нь танд эвтэйхэн байхаас гадна өөртөө итгэлтэй байдлыг бий болгодог.

4.      Мөрөө амраа – Хэрэв таны бие чилж эхэлбэл мөрөн дэх ачаалал тань их байна гэсэн үг. Тиймээс мөрөө хэсэг амраа. Сулхан мөрөө сэгсрээд, урагш хойш болгоод үзээрэй.

5.      Толгой дохих – Хааяа нэг толгой дохин яриаг нь анхааралтай сонсож буйгаа мэдэгдэх хэрэгтэй. Гэхдээ энэ үйлдлээ ойрхон давтах шаардлагагүй.

6.      Цэх суу – Бөгтийж суух ямар муухай харагддагийг та анзаарсан байлгүй. Гэхдээ бас удаан хугацааны турш биеэ цэхлэн сууна гэдэг амаргүй. Хааяа нэг амрах шаардлагатай.

7.      Ялимгүй хазайх – Хэрэв харилцагчийн тань яриа сонирхолтой байгааг мэдэгдэхийг хүсвэл ярьж буй хүн рүү ялимгүй хазайх нь зүйтэй. Харин өөрийн үзэл бодолдоо бат итгэлтэй байгаагаа мэдэгдэх гэж байгаа бол эргэж биеэ цэхлэхэд л хангалттай. Гэхдээ энэ үйлдэл тань хэтэрвэл их зантай, хүйтэн хөндий хүн мэт сэтгэгдэл төрүүлдэг. Харин харилцагч руугаа хэт хазайвал цөхрөнгөө барж байгаа мэт санагддаг.

8.      Инээмсэглэл ба инээд – Бүх асуудалд албархаг байдлаар хандах хэрэггүй. Хааяа ч гэсэн эерэг энерги өөрөөсөө цацруулж бай. Шог яриа, онигоо ярих үед инээх нь харилцагчдад тааламжтай санагдаж, таны тухай эерэг ойлголтыг бий болгодог. Эелдэг хүмүүстэй харилцахдаа хэн ч дуртай байх бөгөөд, таны яриаг анхааралтай сонсох болно. Харин өөрийн ярьсан наргиандаа өөрөө түрүүлж инээхийг сонсогчид тань таашаахгүйгээр үл барам таныг өрөвдөлтэй байдалд оруулдаг. Өөрийгөө танилцуулахдаа инээмсэглэж бай. Гэхдээ чин сэтгэлээсээ. Хуурамч байдал хэзээ ч сайн үр дүнд хүргэдэггүй.

9.      Нүүрэндээ хүрэх хэрэггүй – Энэ нь таныг бухимдуу байгаа мэт сэтгэгдэл төрүүлдэг. Мөн сонсогчдын анхаарлыг сарниулдаг.

10.  Тэргүүнээ дээш өргө - Толгой гудайлган, газар ширтэх хэрэггүй. Ийм байдал итгэл даахааргүй, доожоогүй харагдуулах болно. Толгойгоо дээш өргөж, хараа дээгүүр байх нь өөртөө итгэлтэй байдлыг илэрхийлдэг.

11.  Хэмнэлээ удаашруулах – Энэ зөвлөгөө маш олон зүйлд хэрэг болно. Алгуур алхах нь зөвхөн өөртөө итгэлтэй, тайван байдлыг илэрхийлээд зогсохгүй бусдаас хараат бус гэдгийг ч илэрхийлдэг. Танд хэн нэг нь хандвал ухасхийн хариу барих хэрэггүй. Ийм тохиолдолд ч бас алгуур тайван байдал зохино.

12.  Сэтгэл хөдлөлөө барих – Сэтгэл хөдлөх, үймрэхээс зайлсхий. Сандарсан үедээ ихэнх хүн хөлөө савж, хуруугаараа ширээ тогшдог. Энэ байдал сонсогчдын анхаарлыг сарниулж, идэвхгүй байдлыг бий болгодог. Таны сандарсан байдал орчин тойронд тань байгаа бүх хүмүүсийг тавгүйтүүлдэг. Тиймээс аль болох түргэн тайвшрахыг хичээх хэрэгтэй. Ярианыхаа хурдыг сааруулж, хөдөлгөөнөө ч бас удаашруул.

13.  Гарын хөдөлгөөн – Гар, нүүрний хувирлаар ярианы эрчийг нэмэх нь ашигтай ч сонсогчдын анхаарал сарниулахаас болгоомжил. Ярианыхаа явцад ямар нэг зүйл нүдэх нь харилцагчдад таагүй сэтгэгдэл төрүүлдэг. Тиймээс харилцаандаа гараа оролцуулахдаа өөрийгөө хянах хэрэгтэй.

14.  Багаар уух – Ярих үедээ өмнөх усаа уухаас аль болох татгалзах хэрэгтэй. Баримтаас үзвэл урдаа тавьсан зүйлээрээ оролдох нь бие хамгаалагч шиг харагдуулдаг гэнэ.

15.  Хүзүү ч бас цэх – Ихэнх хүн цэх сууснаар сайхан харагддаг. Гэхдээ хүзүүгээ ч бас мартаж болохгүй. Тогоруу шиг хүзүүгээ сунгах хэрэггүй. Цэх сайхан хүзүү төрхийг тань чимдэг гэдгийг мартаж болохгүй.

16.  Зай барих – Хүн бүрт өөрийн гэсэн орон зай байдаг. Түүнийг нь эвдэх гэсний хэрэггүй. Энэ байдал тань бүдүүлэг, соёлгүйгээ бусдад зарласантай л адил. Харилцагч тань таныг хэрхэн үнэлдгээс шалтгаалан хоорондын зайг барих хэрэгтэй.

17.  Толь – Харилцагчийнхаа үйлдлийг тоть шиг л давтах нь зарим тохиолдолд эерэг үр дүн авчирдаг. Харилцаж буй хоёр дотноссон үед санамсаргүй байдал үүсэх нь элбэг. Тиймээс санаатайгаар ийм байдал үүсгэх нь шинэхэн танилтайгаа илүү дотносоход дөхөм болно. Гэхдээ юм бүр хэмжээ хязгаартай тул хэтрүүлэх хэрэггүй. Эцэст нь та өөрийгөө эвгүй байдалд оруулж мэдэх шүү дээ.

18.  Эелдэг төрх – Эцэст нь эелдэг байдал. Эцсийнх ч гэсэн хамгийн чухал үзүүлэлт. Эелдэг, чөлөөтэй байдал тань үйл хөдлөлөөрөө санаагаа илэрхийлэхэд тань тус болно.
Эдгээр зөвлөгөөг мөрдөн өдөрт гурван удаа дадлага хийвэл дөрвөн долоо хоногийн дараа үр дүнгээ өгч эхэлнэ.

·         Та байнга гараа амандаа авдаг гэж бодъё. Энэ нь дур зоргоороо бурсан худал үгийг уураг тархи маань зөвшөөрөхгүй гэсэн дохиог та бусдад өгч байна.

·         Гараа хамартаа шүргэх. Таны ухамсарт таагүй сэтгэгдэл арилаагүй бол уураг тархи чинь ухамсаргүйгээр гартаа амаа таглах тушаал өгнө.Худал хуурмаг юм хамарт орших мэдрэлийн төгсгөлийг цочроож, харин хамрынхаа үзүүрийг маажих нь таагүй сэрлийг авч хаяхыг шаардаж буй юм

·         Зовхио оролдох. Зовхио үрэх нь нүдээрээ харж ойлгосноо нууж бусдын нүдний харцнаас уураг тархи нь хаалт хийж зальдах, эргэлзэх эсхүл худал хэлж зайлсхийхнйиг оролддог ба эдгээр нь худал хэлэхийн хэлбэр юм.

·         Чихээ оролдох. Энэ дохио зангаа сонсогч хүн сонсохгүй гэж илэрхий худлаа хэлж буй оролдлогыг хэлж байна.Эцэг эхийн хээ зэмлэлийг сонсохгүй гэж хүүхэд зангаараа гараараа чихээ чимхэж тагладаг хувилбарын нарийссан хэлбэр юм.

·         Хуруугаа амандаа хийх. Ер нь хүн гутарсан үедээ хуруугаа амандаа хйидэг байна. Энэ нь сэтгэл санааны урам хайрлахыг шаардаж байгаа юм.

·         Хэрэв хүн нүүрэндээ гараа авч байвал тухайн тэр хүний ухамсарт олиггүй бодол төржээ гэдэгийг баттай хэлж болох боловч чухам ямар бодол санааны шинж нь юм бэ гэвэл хэлэхэд хэцүү.

·         Хүзүүгээ маажих. Эргэлзэж байгаа болон итгэхгүй байгаа талаар хэлж байгаагаа ийнхүү илэрхийлдэг байна.

·         Хөлөө солбих. Энэ нь тааламжгүй харилцааны талаар хэлж байгаа бөгөөд хамгаалалтын байдлыг илтгэж байна. Хөлөө сошлбих ердийн, “цоож” гэсэн хоёр үндсэн хувилбар хэрэглэж болно. Хөлөө солбих ердийн хэлбэр бол нэг хөлөө нөгөө дээрээ голдуу баруун хөлөө зүүн хөл дээрээ тохсон буюу ачсан байдаг. Үүнийг цухалдах хэлбэр, хамгаалалтын байдал эсвэл биеэ барьсан илэрхийллээр ойлгож болно.Хэрэв хөлөө солбих нь элг:ээ тэврэхтэй хавсарч байгаа бол тэр хүн яриа хөөрөөнөөс илт зайлсхийхийг хүсэж байгаа юм. Тэр хүнээс шийдвэр гаргахыг хүсэх нь үнэхээр тэнэглэл. Хөлөө солбих “цоож” хэлбэр буюу америк төрх байдал. Хэрвээ ачсан хөлөө гараараа татаж цоож хийж байгаа бол ямарваа хэлэлцэж буй асуудалд өөрийнхөө тодорхой байр суурийг өөрчлөхгүй гэсэн хүмүүсийн шинж юм. Хөлөө солбих нь мөн л хамгаалалттай, биеэ байрьсан байдлыг илтгэдэг байна. Ялангуяа элэгээ тэврээд хөлөө солбисон бол таагүй харилцааг итлгэж байна.

·         Хэрэв ярилцагч нь санал нийлэхгүй байх эсвэл орчин тойрныхоо хүмүүстэй харьцахдаа өөрийнхөө санаа бодлыг гаргаж хэлж чадахгүй үедээ “цэмцэгнэх” хэмээн нэрлэгддэг дохио зангааг хэрэглэж байдаг ба энэ нь өөрийнхөө бодолдз хатуу зогсч байгааг гэрчилж байдаг. Хүн энэхүү жижигхэн хуурамч хөдөлгөөнийг орчин тойрныхоо хүнээс нүүр буруулж нүд аньж хйидэг. Үс хялгас түүх нь үл ойшоолтын хамгийн дэлгэрсэн дохиолол юм.

·         Хурууны өндгүүдийг нийлүүлэх буюу үүнийг Бердвистл “Ганжир” хэмээн нэрлэдэг. Энэ дохио зангаа өөртөө итгэлтэй давуу талаа мэдэрсэн хүний шинж чанарыг илэрхийлдэг. Гар нь босоо байрлалтай, гараа унжуулсан хоёр хувилбартай.

·         Босоо байрлалд ганжирласан гар нь өөрийнхөө санаа бодол, үзэл эсхүл яриа хэлэлцээрийг тэргүүлж байгаагаа илэрхийлэн хэлж байгаа юм.

·         Хурууны өндгүүдээ нйилүүлсэн гараа доош болгох нь ярилцагчийнхаа санаа бодлыг хүлээцтэй сонсож байгаа шинж юм.

·         Хурууны өндгүүдээ нийлүүлэх нь бүхэлдээ нааштай дохиолол мэдээлж байдаг, гэхдээ бас тааламжгүй өнгө аясыг ч илэрхийдэг. Энэ нь ганжирын хамт хөлөө ачих,нүүрний янз бүрийн хувирал илрэх, нүдээ тас аних гэх мэт таагүй дохио зангуудтай хэрэглэвэл тааламжгүй харилцааг бий болгодог байна.

 Татах

Маркетингийн бие даалт 6

“СҮҮ” ХК-ний эрхэм зорилго

Хэрэглэгчийн сэтгэл ханамжийг цаг ямагт дээдлэн, хамгийн дэвшилтэт технологийг ашигласан экологийн цэвэр бүтээгдэхүүнийг үйлдвэрлэж, дэлхийд хүлээн зөвшөөрөгдсөн брэнд бүтээгдэхүүнийг гаргах

Аливаа хүн болоод байгууллага нь өмнөө ирээдүйд хүрэхээр тэмүүлж буй зорилгыг гаргаж ирэх хэрэгтэй. Үүнийхээ дагуу хийх үйл ажиллагаа, төлөвлөгөөгөө гаргаж ямар нэгэн өөр зүйлд сул анхаарал алдалгүй зорилгодоо хүрэх нь чухал юм.

“СҮҮ” ХК-ний зорилгыг харахад:

1.      Тухайн бүтээгдэхүүнд хэрэглэгчийн сэтгэл ханамж дээд зэргийн байх нь байгууллагын амьдралын мөчлөгийг уртасгана.

2.      Орчин үетэйгээ хөл нийлүүлж, шинээр гарсан техник технологийг ашиглах нь хэрэглэгчдийн найдварыг төрүүлж, итгэл хүлээлгэх болно.

3.      Оршин буй тухайн орчныхоо хамгийн зүйлд зорилгоо тавих хэрэгтэй. Ингэснээр илүү өргөн хүрээнд сэтгэж чадна.

Байгууллагын зорилго, зорилтууд

S - дэлхийд хүлээн зөвшөөрөгдсөн брэнд бүтээгдэхүүнийг гаргах

M – хэрэглэгчдийн сэтгэл ханамжийг дээдлэх

A – Малчид фермерүүдийг дэмжсэн хамтын ажиллагаа

R – Нийгмийн хариуцлагатай байдал

T – Тухайн цаг үетэйгээ хөл нийлүүлэх

Компаний танилцуулга

·         Сүү сүүн бүтээгдэхүүний зах зээлдээ манлайлагч

·         Хэрэглэгчдийн сэтгэл ханамжийг дээдлэгч

·         Малчид фермерүүдийг дэмжигч

·         Экологийн цэвэр бүтээгдэхүүн үйлдвэрлэгч

Нөхцөл байдлын үнэлгээ, шинжилгээ

Микро орчны хүчин зүйл

Макро орчны хүчин зүйл

SWOT шинжилгээ

Боломжууд	Аюул заналууд
·         Хүн ам зүй. Орчин үед хүмүүс эрүүл мэнддээ анхаардаг болсон учир сүү их хэрэглэдэг болсон.	·         Өрсөлдөгчид. Томоохон өрсөлдөгчүүд олон байдаг. ·         Улс төр, эрх зүй. Хоол хүнсний аюулгүй байдал ихээр яригдах болсонтойгоор хяналт шалгалт чангарсан.
Давуу талууд	Сул талууд
·         Улс болон хотдоо нэр хүндтэй. ·         Зах зээлийн 60 гаруй хувийг эзэлдэг. ·         Үйлдвэрийн дэргэд хяналтын лаборатортой.	·         Улирлын шинжтэй сүүний нөөцөөс шалтгаалан үнэ нэмэгддэг.

Бизнесийн багцын шинжилгээ

“СҮҮ” ХК-г хэрэглэгчид ихэвчлэн “Шинэ сүү”, “Амтлаг тараг”, “Шинэ тараг”, “Аварга” сүү, “Кальцтай сүү”, “Фрутта” жүүс, “Мөрөөдлийн амт” зайрмагууд зэргээр нь илүү мэддэг. Эдгээр бүтээгдэхүүнүүдийг бизнесийн багцад авч болох юм.

Бостоны матриц

                                                            

Бостоны матрицын “ОД” хэсэгт “СҮҮ” ХК-г байна гэж үзсэн. Яагаад гэвэл “ОД” хэсэгт зах зээлд тэргүүлэгчийн байр суурьтай мөн зах зээлд эзлэх хувь хэмжээ өндөр байдаг.

Бизнесийн хөгжлийн стратеги

                                                                     

        Одоо байгаа бүтээгдэхүүний жижиглэнгээр савласан бүтээгдэхүүнийг гаргах.

Зах зээлд гүн нэвтрэх стратеги

·         Бүтээгдэхүүн: Нэг хүний хэрэглэх нэг удаагийн хэмжээгээр сүү болон таргийг үйлдвэрлэх.

·         Бүтээгдэхүүний загвар: соруултай болгох

·         Борлуулалтын урамшуулал: хөнгөлөлтийн карт гаргах

·         Амталгаат худалдаа: сар бүр амталгаат худалдааг зохиож, бүтээгдэхүүний амт чанарыг шинэ хэрэглэгчдэд таниулах эсвэл амт чанараа алдаагүй хэвээрээ байгаа гэдгийг байнгын хэрэглэгчдэд мэдүүлэх

Зах зээлээ өргөтгөх

·         Газар зүй: хөдөө орон нутагт үйлдвэрээ байгуулах

·         Өөр сегментэд хандах: гурил гурилан бүтээгдэхүүн үйлдвэрлэх

Дүгнэлт:

“СҮҮ” ХК нь зах зээлд томоохон байр суурь эзэлдэг ч хэрэглэгчдийг удаан татах, шинээр хэрэглэгчид нэмэх зорилгоор байнгын идэвхжүүлэлт явуулах хэрэгтэй. Шинэлэг санаа гаргаж, өрсөлдөгчдөөсөө ялгарах нь компаний удаан оршин тогтноход чухал юм.

Татаж аваад үзээрэй. Хүснэгт, зураг байгаа шүү.

Татах